HULDUGENTAN

Huldugentan er ein vælsmakkandi frísklig NEIPA øl, sum umframt at hava góðan øl smak eisini hevur ein frískligan smak av sitrus og frukt. Huldugentan er 5,8% í styrki.

Anker Eli Petersen hevur teknað etikkettuna til Huldugentuna.

Navnið Huldugentan

Huldufólk eru nevnd í fleiri føroyskum kvæðum. Eisini í nýggjari tíð er yrkt um huldufólk.

Johan Djurhuus úr Sumba (1885-1960), vanliga nevndir Johan á Høggeil, yrkti í 1927 kvæði um Huldugentuna. Hetta tíðarskeiðið arbeiddi hann í elverkinum í Botni, norðanfyri Vág, og gekk úr Vági til arbeiðis í Botni. Hetta var áðrenn at nakar vegur var millum Vág og Botn, so gingið varð gjøgnum hagan.

Kvæði Huldugentan er frásøgn um tað ferðina, tá yrkjarin á miðjari nátt møtir huldufólki, tá  “heyggjarnir runt um opna seg, huldufólk koma í dyr”. Yrkjarin greiður frá: “Á fríðari fløtu tey sláa ring, gentur og ungir menn”, og “ein kom smílandi har eg stóð” og sigur við yrkjaran “kom og dansa ein dans við mær”.

Tey bæði, yrkjarin og huldugentan, verða góð og koma saman – og sum hann greiðir frá: “Síðani havi eg manga ferð, dansað við henni í ring. Ofta vit møtast, tá eingin sær, ganga so vítt umkring”.

Huldugentan er eitt av kendaru kvæðunum her um leiðir og Huldugentan verður ofta kvøðin, tá menn og kvinnur fara upp á gólv.